gajal

बिसन्चो छौ कि तिमी रिसाएकी हौ !
सम्झना आउँदैन कि मेरो,माया बिसाएकी हौ !!

फर्फराउछन आँखा कुनै बिप्पत्ती पर्‍योकी !
सपनीभर पैह्रो जान्छ, किन हृदय चिस्याएकी हौ !!

गुलाफ फुल्ने तिम्रा अधर प्रसस्त छन तिर्खाउन!
बेजोड छन सुगन्ध तिनी कुन मधुमास मिसाएकी हौ !!

दोष छैन प्रितको निष्ठुरी भइछौ थाहै भएन !
कुन महल सिङार्न सुन्दर संसार बिगारेकी हौ !!

जनम जनम साथ बाँच्ने रहर मेरो अझ उस्तै !
ओर्लिएर आँखाबाट कुन सपना रित्याएकी हौ !!

Birthday of Mitthi Mahima

Ma, Ekant ra Paagalpan

नौ रङ्गी पुतलीसँगै स्वप्निल वनबासमा म, एकान्त र पागलपन !
खित्का छाडि हासिरह्यौ आफ्नै उपहासमा म, एकान्त र पागलपन !!

जुनी जुनी पर्खेको माया ओईलाएपछी साक्षी को मान्ने !
चोटैचोटमा पनि दुख्दैन आसुँ दङदासमा म, एकान्त र पागलपन !!

भो नआउ तिम्रो आगमनले खल्बलिन्छ कन्दराका सुस्केराहरु !
फर्कियौ तिर्खाई डुबेर सागर मलमासमा म, एकान्त र पागलपन !!

माया माया भन्छ तिम्रो संसार बुझ्दैन तर अन्तरमनको चित्कार !
गल्दैनौ अब चिल्ला फुस्रा कुनै बकवासमा म, एकान्त र पागलपन !!

चन्चल बालापन मुस्काउदै खेल्छन जहाँ शितल पवन !
एक्लै रम्छौ यो बिरानो घरबारमा म, एकान्त र पागलपन !!