प्रीत गहिरो पुरानै, कहानी नौलो भएर बसेछ !
बात अधुरै रातको, बिहानी स्वप्निल बनेर बसेछ !!
चन्चल ओठ मुस्काउदा युग बित्छ शनै शनै !
मायाको रङ हजार, हजार पुतली रमेर बसेछ !!
जिउनुको अर्थ खोज्दैमा बितेछ जीवन कसैको !
हराएर जीवन प्रीतमा कोही जीवन्त मरेर बसेछ !!
लुकामारी खेल्दै जुन सुख दु:ख गाउछ रित यहाँ !
अङ्गालोमा बेरिई युगल स्वर्गिय आनन्द रचेर बसेछ !!
अँधेरीमा रम्दै निशा मदमस्त घुम्छिन 'पवन'सँग !
हरपलमा युग अटाउदै चखेवा इश्कमा संगीत भरेर बसेछ !!
