बिसन्चो छौ कि तिमी रिसाएकी हौ !
सम्झना आउँदैन कि मेरो,माया बिसाएकी हौ !!
फर्फराउछन आँखा कुनै बिप्पत्ती पर्योकी !
सपनीभर पैह्रो जान्छ, किन हृदय चिस्याएकी हौ !!
गुलाफ फुल्ने तिम्रा अधर प्रसस्त छन तिर्खाउन!
बेजोड छन सुगन्ध तिनी कुन मधुमास मिसाएकी हौ !!
दोष छैन प्रितको निष्ठुरी भइछौ थाहै भएन !
कुन महल सिङार्न सुन्दर संसार बिगारेकी हौ !!
जनम जनम साथ बाँच्ने रहर मेरो अझ उस्तै !
ओर्लिएर आँखाबाट कुन सपना रित्याएकी हौ !!
No comments:
Post a Comment